Azərbaycan Respublikası Səhiyyə Nazirliyi tərəfindən "Uşaqlıq boynu patologiyalarının birincili və ikincili profilaktikası üzrə klinik protokol" tərtib edilib
Azərbaycan Respublikası Səhiyyə Nazirliyinin 26 may 2025-ci il tarixli 3-28/3-1-197/2025 nömrəli əmri ilə "Uşaqlıq boynu patologiyalarının birincili və ikincili profilaktikası üzrə klinik protokol" tərtib edilib. Protokolun tərtibçi heyətində uzman doktor, onkoginekoloq Əkbər İbrahimov iştirak etmişdir.
Protokol, əsasən, mama-ginekoloq, həmçinin ailə həkimləri, onkoloqlar, sahə pediatrları və terapevtləri üçün nəzərdə tutulmuşdur.
Pasiyent qrupu: 21-65 yaş arası qadınlar.
Protokolun məqsədi:
Uşaqlıq boynu xərçənginin aradan qaldırılması;
Qadınlarda uşaqlıq boynu xərçənginin və digər insan papilloma virusu (HPV) ilə əlaqəli xərçənglərin, o cümlədən xərçəngönü proseslərin profilaktikası;
Tibb işçilərinin uşaqlıq boynu xərçənginin profilaktikasına dair bilik və bacarıqlarını artırmaqla əhalinin 9-26 yaş arası populyasiyasını vaksinasiyaya cəlb etmək.